Óíþróttarmannslega villa Marques Oliver á Chris Woods

Það varð allt brjálað undir lok fjórða leikhluta í leik Hamars og Fjölnis í undaúrslitum 1.deildar um laust sæti í úrvalsdeildinni. Þegar 16 sekúndur eru eftir þá brýtur Marques Oliver á Chris Woods þegar sá síðarnefndi er við það að skora úr hraðaupphlaupi. Oliver er samstundis rekinn útaf fyrir brotið og Hamar fær í kjölfarið dæmdar á sig tvær tæknivillur en að minnsta kosti þrír leikmenn þeirra virðast hafa yfirgefið bekkinn og hlaupið inn á völlinn.

Fjölnir fær í kjölfarið tvö vítaskot og boltann aftur en þeir nýta bæði vítin og skora svo aftur í kjölfarið og senda leikinn í framlengingu. Það dugði þó skammt því Hamarsmenn voru sterkari aðilinn í framlengingunni og unnu 114-110.